തിരു: ലോട്ടറി വിവാദത്തില്‍ വിഡി സതീശന്‍ എംഎല്‍എയും ധനമന്ത്രി തോമസ് ഐസക്കും കൊമ്പുകോര്‍ക്കുന്നു. ലോട്ടറി വിവാദത്തില്‍ തോമസ് ഐസക് പരസ്യസംവാദത്തിന് ക്ഷണിച്ചത് ഉമ്മന്‍ചാണ്ടിയെ, അല്ലെങ്കില്‍ രമേശ് ചെന്നിത്തലയെ ആയിരുന്നു. എന്നാല്‍ ഇതേറ്റുപിടിച്ചത് വിഡി സതീശന്‍ എംഎല്‍എ ആയിരുന്നു. ഇന്നലെ വിഡി സതീശന്‍ എംഎല്‍എയ്ക്ക് തോമസ് ഐസക് പറഞ്ഞ മറുപടി, വിഡി സതീശന്‍ തനിക്കുള്ള എതിരാളിയല്ലെന്നും തന്റെ പ്രൈവറ്റ് സെക്രട്ടറിയെ സംവാദത്തിനയയ്ക്കാമെന്നുമാണ്. സംവാദം അധികം വൈകിക്കണ്ടെന്നും അടുത്ത തിങ്കളാഴ്ച തിരുവനന്തപുരം പ്രസ് ക്ലബില്‍ വച്ചാകാമെന്നും തോമസ് ഐസക് പറഞ്ഞു.
അതേസമയം ലോട്ടറി വിവാദത്തില്‍ തന്റെ അഡീഷണല്‍ സെക്രട്ടറി ഗോപകുമാറിനെ സംവാദത്തിന് അയക്കാമെന്ന് പറഞ്ഞത് തന്നെ അപമാനിക്കാനാണെങ്കിലും താനത് ഏറ്റെടുക്കുന്നതായി വിഡി സതീശന്‍ എംഎല്‍എ പറഞ്ഞു. യുഡിഎഫ് തന്നെ ഏല്‍പ്പിച്ച ദൗത്യം ഏറ്റെടുക്കുകയാണെന്ന് അദ്ദേഹം വ്യക്തമാക്കി. തോമസ് ഐസക് സംവാദത്തില്‍നിന്ന് ഒളിച്ചോടുകയാണെന്ന് രമേശ് ചെന്നിത്തല പറഞ്ഞു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ